“Suno Tum Laut Aao Na”

Zara jo Door Jatay ho,
Tabhi Ehsas Hota Hai,

K Baqi kuch Nahi Rehta, 
Meray Jeevan k Aangan Mein,
Meri Khushiyon k Daman mein,
Teray Bin Kuch Nahi Rehta,

Udasi Mein Meray hath, 
Achank Chooth Jatay Hein,

Aur Khuwab Toot Jatay hein, 
Tujhay Awaaz Detay Hein,

Tujhay Wapas Bulatay hein, 
Suno…
Tum Laut Aao Na
“Suno Tum Laut Aao Na”

Tum Nay Dekha Nahi Zindgi Ki Tarha Jin Ko Payari Thi Main

Tum Nay Dekha Nahi
Zindgi Ki Tarha Jin Ko Payari Thi Main
Waqat Aanay Par Khud Rukh Badaltay Rahay
Meray Paou'n Mein Rakh Kar Musaafat Na'e
Mujh Ko Dard-O-Alam Phir Naye Bakhsh Kar
Mujh Say Daman Bacha Kar Nikaltay Rahay
Tum Nay Dekha Nahi
Meray Ghao Sabhi Mundmil Hotay Hotay Thehar jatay thay
Meray Lehjay Mein Jo Siskiya'n Thin Unhein
Koun Aah-O-Fugaa'n Mein Badaltay Rahay
Tum Nay Socha Nahi
Meri Khushiyo'n Bhari Zindgi Cheen Kar
Mujh Ko Kis Nay Yeh Aansoo Atta Kar Deye
Koun Si Muhj Say Easi Khataa Ho Gai
Meray Roh-O-Badan Jo Pigaltay Rahay
Tum Nay Socha Nahi
Neelay daryao'n Say Chun Kar Laati Thi Jo
Apni Palko'n Pay Main Bandhnay Kay Leye
Phool Jesay Woh Naram-O-Mulaim Sabhi
Khuwaab Jaltay Rahay
Khuwab Jaltay Rahay !!!

Sard Raaton Ki Tanhaai Mein, Hum Teri Yaadon Ke Chirag Jalaye Bethe Hai,

Sard Raaton Ki Tanhaai Mein,
Hum Teri Yaadon Ke Chirag Jalaye Bethe Hai,
Kabhi To Tum Zindagi Ki Haqeeqt Banogi,
Sochkar Palkon Mein Khwab Sajaye Bethe Hai!

Tumhare Saath Ke Lamhe Har Waqt Sata-te Hai,
Ab Tumhare Aane Ki Bus Aas Lagaye Bethe Hai,
Aankhon Mein Ashkon Ko Ab Rok Nahi Pate,
Ki Dil Ko Zabaran Sambhale Huye Bethe Hai!

Kaash Tum Mere Dard-E-Dil Ko Samajh Paao,
Hum Jo Seene Mein Abhi Tak Dabaye Bethe Hai,
Par Woh Jo Humse Dard Bayaan Nahi Karte,
Rehkar Khamosh Konsa Raaz Chhipaye Bethe

qaboliyat ki wo ghari batla dey mujhko,

 

AA RAB mojza kardey 

uski chahat ka phir silsala kar de,

qaboliyat ki wo ghari batla dey mujhko,

main joo mangon ata kardey mujh ko

tujhey wasta terey mehboob bandon ka

oss key dil main meri jagah kar dey

dekha dey tu rang apni kudrat ka 

taptey sehra ko tu behta hoa dariya kardey

parhney waley sy hay yeh iltaja meri

merey haq main fakat yeh dua kardey !

Na gila hai koi hayat se Na shikayatain teri zaat se

Na gila hai koi hayat se
Na shikayatain teri zaat se
Khudi sarwarq juda huwa
Mare zindagi ki kitab se
Tujah chaha tha tujah paa liya
Tujah paa k bhi tujah kho dia
Mujah khahishon ki thi arzo
Meri zindagi mai azab thay
Mere wehshatoon ki raah main
Faqat mehfiloon k sarab thay
Kati umar jinki talash main
Mere ratjagoon k khuwab thay
Yunh bhatak bhatak k tamam umar
Kabhi ashkar hie na huwa
Jinhain kho dia tere ishq main ibadatoon k sawab thay

Kisi Sandal Ke Saaye Mein, Kabhi Baadal Ki Chhatri Par,

Kabhi Khwaabon Ke Jungle Mein,

Akelepan Ke Daldal Mein,

Kisi Sandal Ke Saaye Mein,

Kabhi Baadal Ki Chhatri Par,

Kisi Din Tez Barish Mein,

Kabhi Dariya Ke Dhaare Par,

Kabhi Dukh Ke Kinare Par,

Kabhi Sahil Pe Likhti Hai,

Kabhi Likh Kar Mitati Hai,

Kabhi Likhne Se Pehle Hi,

Mita Kar Hasne Lagti Hai,

Kisi Din Shaam Se Pehle

Mitana Bhul Jati Hai,

To Saari Raat Roti Hai...

Jo Bhoolna Hota Itna Aasaan To Kabke Hum Tujhe Bhool Jaate,

Jo Bhoolna Hota Itna Aasaan To Kabke Hum Tujhe Bhool Jaate,
Na Karte Tujhe Fariyaad Milneki Na Tujhe Kabhi Yaad Aate,

Mita Diya Humne Apna Saara Wajood Tak Tujhe Paane Mein,
Kash Ke Tum Bhi Mere Pyaar Ki Gehrayi Ko Kabhi Samajh Paate,

Kiya Tha Tumne Wada Humse Dosti Ka Aye Dost,
To Us Dostika Kuch Rasm-O-Riwaaj To Tum Nibhate,

Mitane Chala Hoon Aaj Apni Hasti Badnaami Ke Dar Se,
Kaash Ke Zindagi Ke Is Khelme Kahin To Apna Ek Mukaam Banate...

Aisi Hi Sard Shaam Thi Wo Bhi,

Aisi Hi Sard Shaam Thi Wo Bhi,
Jab Wo Mehendi Rachaye Haathon Mein,
Apni Aahat Ke Khauf Se Larazaan
Surkh Aanchal Mein Muh Chhipaye Hue,
Apne Khat Mujhse Lene Aayi Thi,
Uski Sehmi Hui Nigahon Mein,
Kitni Khamosh Iltijayein Thi,
Uske Chehre Ki Zard Rangat Mein,
Kitni Majbooriyon Ke Saaye The,
Mere Haathon Se Khat Pakadte Hi,
Jaane Kya Soch Kar Achanak Wo
Mera Shaana Pakad Kar Royi Thi
Uske Yaaqut Rang Hothon Ke
Kapkapate Hue Kinaron Par,
Saikdon Ankahe Fasane The,
Sard Shaamon Mein Der Tak Aksar
Jab Ye Manzar Dikhayi Deta Hai,
Ek Lamha Heenayi Hathon Se,
Mujhko Apni Taraf Bulaata Hai,
Hamnashin Ruth Kar Na Jaa Mujhse,
Aisi Hi Sard Shaam Thi Wo Bhi...

Kya Hua Jo Bichar Gaya Koi Raah-E-Talab Mein Ek Shakhs Ke Jane Say Shehar Veeraan Nahi Hota

Dil Faqat Dil Hai, Aashiyan Nahi Hota 

Hathon Ki Lakeeron Mein Aasman Nahi Hota 

Jo Log Bikhar Jate Hain Ret Ki Manind 

Jalne Se Kabhi Unke Dhuwaan Nahi Hota 

Kya Hua Jo Bichar Gaya Koi Raah-E-Talab Mein 

Ek Shakhs Ke Jane Say Shehar Veeraan Nahi Hota 

Yun To Khainchati Hain Mujh Ko Har Shahar Ki Galiyaan 

Har Shahar To Magar Tera Aastaan Nahi Hota 

Kyon Jalatay Ho Tum Ab Nayi Mashalein 

Kiya Ghar Kay Jalnay Say Charaghaan Nahi Hota 

Nasah Se Kah Do Ab Uss Ki Zarorat Nahi Rahi 

Hum Hi Se Ab Taswar-Ay-Jaanaan Nahi Hota

Jab Tumhe Ye Yaqeen Ho Jaye, Ke Main Tumhe Kitna Chahti Hoon,

Jab Tumhe Ye Yaqeen Ho Jaye,
Ke Main Tumhe Kitna Chahti Hoon,
Tumse Kitni Mohabbat Karti Hoon,
To Usi Din Tum Laut Ana,
Tum Mujhe Apna Muntazir Paoge,

Jab Tumhe Asia Lage Ke
Koi Tumhare Sang Nahi Hai,
Koi Tumhara Humdam Nahi Hai,
To Usi Din Tum Laut Aana,
Tum Mujhe Zaroor Apna Muntazir Paoge,

Jab Tumhe Zindagi Dushwar Lage
Jab Koi Umeed Na Koi Aas Ho
Koi Bhi Na Tumhare Pass Ho
To Usi Din Tum Laut Aana
Tum Mujhe Apna Muntazir Paaoge

Agar Kabhi Yaadein Bahut Dukh De
Tanhai Ka Ehsas Bohat Sataye
To Usi Din Tum Laut Aana
Tum Mujhe Apna Muntazir Paaoge

Jab Yun Lage Tumhe Ke
Tum Ab Ek Qadam Bhi Nahi Chal Sakte
Mazeed Is Aag Main Nahi Jal Sakte
To Usi Din Tum Laut Aana
Tum Mujhe Apna Muntazir Paaoge

Jab Har Saans Bojh Lagne Lage
Tum Andar Hi Andar Tootne Lago
To Usi Din Tum Laut Aana
Tum Mujhe Apna Muntazir Paaoge

Na Mile Panah Kisi Ki Banhoon Mein
Aur Shiddat Se Kisi Ki Zaroorat Ho
To Usi Din Tum Laut Aana
Tum Mujhe Apna Muntazir Paaoge

Jab Yeh Ehsaas Tumhe Tadpane Lage
Ke Tum Ne Kabhi Takraya Tha Kisi Ko
Yaa Phir Koi Tumhein Takra De
To Usi Din Tum Laut Aana
Tum Mujhe Apna Muntazir Paaoge

Aankhoon Mein Aa Jaye Agar Ashk Tumhari
Aur Koi Shaks Pouchne Wala Na Ho
Koi Gum Bant Ne Wala Na Ho
To Usi Din Tum Laut Aana
Tum Mujhe Apna Muntazir Paaoge

Koi Tod De Agar Dil Tumhara
Ho Agar Na Koi Muqabil Tumhara
Tanhai Ka Ehsas Bohat Sataye
To Usi Din Tum Laut Aana
Tum Mujhe Apna Muntazir Paaogi

Yeh To Dukh Deti Hain Sada
Tumhe Bhe Yaadein Sataye Jab
Mehfil Mein Bhi Khud Ko Tanha Paoo
To Us Din Tum Laut Aana
Tum Mujhe Apna Muntazir Paaoge

Yeh Mera Wada Raha Tumse
Jo Kuch Bhi Maine Kaha Tumse
Yeh Sab Na Bhool Paooge
Tum Muje Sada,Sada Apna Muntazir Paooge...

Wo silsle wo shoq wo nisbat nhi rahi.. ab zindgi mein hijar ki vehshat nhi rahi..

Wo silsle wo shoq wo nisbat nhi rahi..
     
       ab zindgi mein hijar ki vehshat nhi rahi..
     
       Toota hai jab se uski maseehayi ka tilsim,,
     
       dil ko kisi maseeha ki hajat nhi rhi..
     
       Phir yun hua k koi shanasa nhi rha,,
     
       phir yun hua k dard mein shiddat nhi rhi,.
     
       Phir yun hua k ho gya wo masroof bhi buhat,,
     
       phir hamain yad krnay ki usay fursat nhi rhi..
     
       Ab kya kisi ko chahain k humko to in dino,,
     
       khud apne aap se b muhabat nahi rahi..

kadam thak gaye hai dur nikalna chhod diya hai,, par aisa nahi hai ke maine chalna chhod diya hai

kadam thak gaye hai dur nikalna chhod diya hai,,
par aisa nahi hai ke maine chalna chhod diya hai..
fasle aksar mohabbat badha dete hai,,
par aisa nahi hai ki maine kareeb aana chhod diya hai..
maine chirago se roshan ki hai aksar apni shaam,,
par aisa nahi ki maine dil ko jalana chhod diya hai..
aaj bhi akele hai duniya ki bheed mai,,
par aisa nahi ki maine zamana chhod diya hai..
bhulana mushkil hai jante hai unko,,
par kisi ko yado mai lana chhod diya hai.!!